Termiz davlat universiteti talabalari tashabbusi bilan viloyat markazidagi "San’at saroyi"da "O‘zbekiston — Vatanim manim" shiori ostida keng qamrovli ma’naviy-ma’rifiy tadbir tashkil etildi.
Ushbu tadbir yurtimizda tinchlik va barqarorlikni, millatlararo totuvlik va diniy bag‘rikenglikni mustahkamlashda muhim siyosiy ahamiyatga ega bo‘ldi. Unda xalq deputatlari viloyat kengashi deputatlari nuroniylar vohadagi ilmiy doira vakillari viloyatimizda faoliyat yuritayotgan barcha milliy madaniy markazlar rahbarlari va keng jamoatchilik vakillari ishtirok etishdi.
Rektorimiz A.Toshqulov davlatimiz rahbarining xalqaro maydonda ham turli millat va elatlarni ezgu maqsadlar sari birlashtirish borasidagi tashabbuslari-yu erishilayotgan olamshumul voqeliklar xususida to‘xtalib, yurtimizda yashayotgan 130 ga yaqin turli millat vakillarini bir maqsad sari jipslashtirishda bu tadbirning ahamiyatini ta’kidladi.
Badiiy dastur davomida 30 ga yaqin millat va elatlarning milliy kuy-qo‘shiqlari va raqslari ijro etildi. Bu tom ma’noda O‘zbekistonda millatlararo totuvlik va ahillik, umuminsoniy qadriyatlarga hurmat, madaniy merosga ehtirom ruhidagi yuksak siyosiy ong va fuqarolik mas’uliyatining yorqin ifodasi bo‘ldi.
