Kafedra mudirlari, sirtqi va magistratura bo‘limi boshliqlari, registrator ofis direktori va bo‘lim boshliqlari, o‘quv uslubiy boshqarma xodimlari va ofis menejerlari ishtirok etgan yig‘ilishda TOP-300 talikka kiruvchi xalqaro OTMlarning o‘quv dasturlari va me’yoriy hujjatlarini o‘rganish jarayonlarining borishi, universitetda mavjud ta’lim yo‘nalishlari va magistratura mutaxassisliklarini xalqaro akkreditatsiyadan o‘tkazish bo‘yicha amalga oshirilayotgan ishlar tahlil etildi.
Tanqidiy ruhda o‘tgan yig‘ilishda 2025-2026 o‘quv yili uchun me’yoriy hujjatlarning tayyorlanish holati, o‘quv jarayonlarining tizimli va samarali borishini ta’minlash, HEMIS tizimidagi o‘zgarishlar bo‘yicha amalga oshirilishi lozim bo‘lgan ishlar to‘g‘risida mas’ullarning axboroti tinglanib, vazifalar belgilab olindi.
