TerDUda Prezidentimizning ommaviy sportni rivojlantirishga yo‘naltirilgan tashabbuslariga asosan “Rektor kubogi” musobaqasiga start berildi
Sportning voleybol turi bo‘yicha sovrin jamg‘armasi qariyb 45 mln so‘mni tashkil etadigan "Rektor kubogi" musobaqalariga universitet professor-o‘qituvchilari va ishchi-xodimlaridan tashqari universitetga biriktirilgan texnikum, akademik litsey jamoalari ham jalb etilgan.
Musobaqaning ochilish marosimida ishtirok etgan rektorimiz, texnikum va akademik litsey o‘qituvchilarining universitet miqyosidagi musobaqalarga keng jalb etilayotgani hamkorlikning keyingi bosqichlariga zamin yaratishini ta’kidladilar.
Ma’lumot o‘rnida, voleybol musobaqalari bugun texnikum va akademik litsey o‘qituvchilari o‘rtasida bo‘lib o‘tsa ertaga ayollar indin Termiz davlat universitetining professor-o‘qituvchilari va ishchi-xodimlari o‘zaro bellashishadi.
