Termiz davlat universiteti hamda Xitoyning Szyansu universiteti o‘rtasida tuzilgan qo‘shma ta’lim dasturi talabalari uchun onlayn uchrashuv sessiyasi o‘tkazildi
Sessiya davomida har ikki oliy ta’lim muassasasining professor-o‘qituvchilari hamda tegishli bo‘lim vakillari ishtirok etib, o‘z bilim va tajribalarini talabalar bilan baham ko‘rishdi. Muloqot jarayonida talabalar ilmiy rahbar tanlash va ilmiy tadqiqotlar olib borish bo‘yicha o‘zlarini qiziqtirgan masalalarni muhokama qilish imkoniyatiga ega bo‘ldilar.
Ushbu tadbir talabalarga o‘z qiziqishlariga mos ilmiy rahbar tanlashda ko‘maklashishi, shuningdek, ilmiy faoliyatlarini yanada samarali rejalashtirishga zamin yaratishi kutilmoqda.
Ma’lumot uchun, Termiz davlat universiteti bir qator nufuzli xorijiy universitetlar bilan qo‘shma ta’lim dasturlari bo‘yicha hamkorlik aloqalarini kengaytirmoqda.
