Muloqotlarda ilmiy salohiyati nisbatan yuqori fakultetda tadqiqot ishlarini tizimli ravishda amalga oshirish, grant loyihalar orqali investitsiya kiritish, ta’lim va mahsulotlar eksportini tashkil etish bo‘yicha amalga oshirilayotgan ishlar tahlil etildi va vazifalar belgilab olindi.
Jarayonda fakultet o‘qituvchilari tomonidan bildirilgan taklif va tashabbuslar qo‘llab-quvvatlandi. Shuningdek, qiymati qariyb 10 milliard so‘mni tashkil etadigan Monokristall difraktometr (monokristalli moddalarning rentgen tuzilishini tahlil qilish imkonini beruvchi) uskunani xarid qilish masalalari muhokama qilindi.
A.Toshqulov, shuningdek, umumiy qiymati 1 milliard so‘m mablag‘ni tashkil etadigan "Fitnes klub" qurilishi bilan ham tanishdi.
