O‘zbekiston-Malayziya forumi doirasida Termiz davlat universiteti (TerDU) Malayziyaning yetakchi oliy ta’lim muassasasi - Malayziya Perlis universiteti (UniMAP) bilan muhim kelishuvlarni amalga oshirdi.
Kelishuvga ko'ra, ikki oliygoh sun’iy intellekt asosidagi chat-bot yaratish bo‘yicha hamkorlikni yo‘lga qo‘yadi.
Shuningdek, TerDUda raqamli ko‘nikmalarni rivojlantirish markazi tashkil etiladi.
Bu markaz orqali:
- xalqaro IT sertifikatlashtirish dasturlari joriy etiladi;
- professor-o‘qituvchilar malakasi oshiriladi;
- talabalarga zamonaviy raqamli ko‘nikmalar o‘rgatiladi;
- onlayn ta’lim platformasi yaratiladi.
Bundan tashqari ushbu bitim doirasida TerDU, Perlis universiteti va "Park One Legacy" kompaniyasi o‘rtasida ekogidrogel texnologiyasini qo‘llash orqali qishloq xo‘jaligi mahsulotlari hosildorligini oshirish bo‘yicha tadqiqotlar olib boriladi.
