Oliy ta’lim, fan va innovatsiyalar vazirining birinchi o‘rinbosari Shohrux Daliyev TerDU kampusida talabalar uchun yaratilgan shart-sharoitlar bilan yaqindan tanishdi.
Jarayonda vazirning birinchi o‘rinbosari va viloyatdagi oliygohlar mas’ullariga TerDUning 2025-yilda kompleks rivojlantirish bo‘yicha ishlab chiqilgan chora-tadbirlar dasturi xususida axborot berildi.
Ushbu dasturga asosan universitetda:
—o‘quv jarayonini takomillashtirish, raqamlashtirish va ta’lim sifatini oshirish;
—ilmiy-tadqiqotlarning natijadorligini oshirish, fan, ta’lim va ishlab chiqarish integratsiyasini kengaytirish;
—ijtimoiy-ma’naviy muhitni sog‘lomlashtirish, talaba yoshlarda tarbiyaviy ishlar tizimini takomillashtirish va ularning bo‘sh vaqtlarini mazmunli tashkil etish;
—moddiy-texnik ta’minot, o‘quv laboratoriyalarini zamonaviy asbob-uskunalar bilan ta’minlash;
— xorijiy ta’lim va tadqiqot muassasalari bilan hamkorlik aloqalarini yo‘lga qo‘yish bo‘yicha ustuvor vazifalar belgilab olingan.
