Termiz davlat universitetida professor-o‘qituvchilar uchun o‘quv jarayonida kredit modul tizimini to‘liq joriy etish bo‘yicha seminar-trening mashg‘ulotlari tashkil etildi.
Shu o‘rinda kredit-modul tizimi xususida ikki og‘iz ma’lumot: bu ta’limni tashkil etish jarayoni bo‘lib, o‘qitishning modul texnologiyalari jamlamasi va kredit o‘lchovi asosida baholash modeli hisoblanadi.
Uni bir butunlikda olib borish serqirra hamda murakkab tizimli jarayon. Kredit-modul tamoyilida ikkita asosiy masalaga ahamiyat beriladi: talabalarning mustaqil ishlashini ta’minlash; talabalar bilimini reyting asosida baholash.
Seminar-trening mashg‘ulotlari fakultetlar kesimida to‘rt kun davom etadi.
