Termiz davlat universitetining tashabbusi bilan kelajak talabalarini seleksiya qilish maqsadida 4-, 5-sinf o‘quvchilari o‘rtasida matematika fanidan olimpiada tashkil etildi.
O‘zbekiston Respublikasi Prezidentining 2020-yil 7-maydagi “Matematika sohasidagi ta’lim sifatini oshirish va ilmiy tadqiqotlarni rivojlantirish chora tadbirlari to‘g‘risida” PQ-4708-sonli qarori 1-bandi ijrosiga asosan Termiz davlat universiteti rektorining 2024-yil 7-dekabrdagi 236-U sonli buyrug‘i bilan Olimpiada g‘oliblari ya’ni 4- sinf o‘quvchilari o‘rtasida I, II va 5-sinf o‘quvchilari o‘rtasida I, II o‘rinlarni egallagan 4 nafar o‘quvchiga jami 76 mln so‘m mablag‘ berildi.
TerDU rektori huzurida o‘quvchilar, ularning ota-onalari va ustozlari ishtirokida samimiy muloqot bo‘lib o‘tdi, ezgu niyatlar qilinib, Prezidentimizning yoshlar kelajagiga ko‘rsatayotgan g‘amxo‘rliklari e’tirof etildi.
Endilikda o‘quvchilarimiz 15-yanvar sanasidan 24-yanvar kuniga qadar Malayziya davlatida bo‘lib, matematika fanidan xalqaro musobaqada o‘z imkoniyatlarini sinovdan o‘tkazishadi.
