Surxondaryo viloyatida o‘tkazilgan ushbu tadbir Prezidentning PF-158-son (16.10.2024-y.) Farmoni mazmun-mohiyatini tushuntirishga bag‘ishlanib, unda viloyatdagi barcha 50 dan ortiq oliy hamda kasbiy ta’lim muassasalarining 200 nafarga yaqin rahbar va professor-o‘qituvchilari ishtirok etdi.
Seminarni Oliy ta’lim, fan va innovatsiyalar vaziri Qo‘ng‘irotboy Sharipov kirish so‘zi bilan ochib, Farmondagi ustuvor vazifalarga to‘xtalib o‘tdi.
Jumladan, kasbiy ta’lim tashkilotlarining akademik mustaqilligini ta’minlash hamda ularning iqtisodiyot tarmoqlari talablariga mos kadrlar tayyorlash imkoniyatini kengaytirish, manfaatdor vazirlik va idoralarning ta’lim tashkilotlari bilan hamkorligini kuchaytirish, o‘quv jarayonlarini bosqichma-bosqich raqamlashtirish, ta’lim sifati va samaradorligini oshirish, turli darajadagi kasbiy ta’lim dasturlarining o‘zaro muvofiqligi va uzviyligini ta’minlash kabi yo‘nalishlardagi vazifalar, ularning ijrosini ta’minlash mexanizmlari bo‘yicha tegishli ko‘rsatmalar berildi.
Batafsil: https://gov.uz/oz/edu/news/view/28614
