Oltinsoy tumanidagi Qaymoqli qishlog'ida 48-maktab binosi yangitdan qurib bitkazildi. Mazkur taʼlim muassasasining ochilishi viloyat rahbarlaridan tortib butun oltinsoyliklar tomonidan katta xursandchilik bilan kutib olindi.
Marosimda Surxondaryo viloyati hokimi Ulug'bek Qosimov mazkur muassasa 1-oktabr -O'qituvchi va murabbiylar kuniga haqiqiy tuhfa bo'lganligini taʼkidladi.
Universitet taʼsischisi Jamshid Pardayev homiyligi asosida qad ko'targan maktabda barcha zamonaviy sharoitlar yaratilgan. Endi bu maskanda hech qaysi shahar maktabidan kam bo'lmagan, havas qilsa arziydigan keng va yorug' xonalalarda oltinsoylik bolalar taʼlim olishadi.
Tadbir davomida shunday ulug’ tashabbusga qo'l urgan Jamshid Pardayevning ota-onasiga minnatdorchilik bildirildi.
Endilikda,Termiz iqtisodiyot va servis universiteti va 48-maktab o'rtasida ham hamkorlik aloqalari o'rnatiladi.
