Universitet Kengashining yig'ilishida A.Toshqulov kengash a'zolarini O'zbekiston Respublikasi davlat mustaqilligining 33 yilligi bilan qutlab, mustaqillik bergan imkoniyatlardan unumli foydalanib, universitetni xalqaro va milliy reytinglarda yuqori o'rinlarga chiqarish lozimligini ta'kidladi.
Yig'ilishda quyidagi masalalar:
— universitet fakultetlari hamda Akademik litsey va texnikumlarining yangi o‘quv yiliga tayyorgarlik holati, ularda professor-o‘qituvchilar tarkibini shakllantirish,
— talabalarni kutib olish, yotoqxonaga ehtiyoji bor talabalarni talabalar turar joylariga joylashtirish,
— universitet Kengashining yangi tarkibini hamda 2024/2025-o‘quv yili ish rejasini tasdiqlash, darslik, o‘quv qo‘llanma va monografiyalarni nashrga tavsiya etish,
— oliy ta’limdan keyingi ta’lim izlanuvchilar faoliyatining samaradorligi, oliy ta’limdan keyingi ta’lim instituti tizimida tayanch doktorantura bo‘yicha yangi ixtisosliklarni ochish masalalari muhokama qilinib, o’rnatilgan tartibda tegishli qarorlar qabul qilindi.