Litva Respublikasida joylashgan Vytautas Magnus universitetida "Litva tili va madaniyati" boʻyicha yozgi stajirovka kursi tashkil etildi. Dunyoning 15 dan ortiq davlatlaridan grant sohiblari qatnashgan mazkur kursda Termiz davlat universiteti katta o'qituvchisi G'ayratjon Qudratov muvaffaqiyatli tamomlab, xalqaro sertifikatga ega bo'ldi.
Vytautas Magnus Universiteti Litvaning yetakchi universitetlaridan biri bo’lib, 1922-yilda tashkil etilgan. Ushbu universitetda 8500 nafardan (shundan 2000 nafari xorijlik talabalar) ortiq talabalar tahsil olmoqda. Universitetda 9 ta fakultet, 3 ta akademiya va 2 ta institut faoliyat yuritadi. Universitet 2024-yilda QS World University Rankings xalqaro reytingi bo'yicha dunyoda 741-751-o'rin, Yevropada esa 264-o'rinni egallagan.
