Surxondaryo viloyati delegatsiyasining Yaponiyadagi kelishuvlari amalda...
Maʼlumki, 2023-yilning dekabr oyida Surxondaryo viloyati hokimi U.Qosimov boshchiligidagi delegatsiyaning Yaponiyaga safari davomida ikki tomonlama hamkorlik aloqalarini rivojlantirish bo‘yicha o‘tkazilgan muzokaralarda bir qator kelishuvlarga erishilgan edi.
Mazkur kelishuvlar natijasi o‘laroq, rektor A.Toshqulov Yaponiyaning "Ventforet Kofu" sport klubi prezidenti, faxriy professor Satoru Sakuma bilan uchrashuv o‘tkazdi.
Uchrashuvda Termiz davlat universiteti hamda Yamanashi universiteti o‘rtasida yoshlar futbolini rivojlantirish, qo‘shma dastur asosida professor-o‘qituvchilar almashinuvi, shuningdek, qisqa va uzoq muddatli stajirovkalar tashkil etish kabi masalalar muhokama qilindi.
Uchrashuvdan so‘ng, "Ventforet Kofu" sport klubi rahbari Termiz davlat universiteti sport obyektlari bilan ham tanishtirildi.
