Termiz davlat universiteti va Xalqaro migratsiya tashkilotining Oʻzbekistondagi vakolatxonasi vakillari bilan uchrashuv boʻlib oʻtdi. Unda hamkorlik masalalari muhokama etildi.
Dastlab Termiz davlat universitetida xorijiy talabalarni oʻqishga qabul qilish, viza olish, yotoqxona bilan taʼminlash, xorijiy talabalarga yaratilgan sharoitlar va imkoniyatlar haqida batafsil maʼlumot berildi.
Uchrashuvda xalqaro migratsiya tashkiloti orqali bitiruvchi talabalarni rivojlangan mamlakatlarning yetakchi tashkilotlariga ishlash hamda stajirovka (amaliyot)ga yuborish boʻyicha hamkorlik qilishga kelishib olindi.