TerDU talabalari amaliy ko'nikma va tajribalarga ega bo‘lish maqsadida respublikamizning turli yetakchi sanoat korxonalarida ishlab chiqarish jarayonlari bilan yaqindan tanishishmoqda.
Universitetning 1-bosqich talabalari Qashqadaryo viloyatidagi “Shoʻrtan gaz kimyo majmuasi”, “Muborak neft va gaz qazib chiqarish boshqarmasi”, “Uzbekistan GTL” MCHJ, “UNG training” MCHJ, “Muborak gazni qayta ishlash zavodi” MCHJ, “Shoʻrtan neft va gaz qazib chiqarish boshqarmalari”, 2-3-bosqich talabalari esa Samarqand va Toshkent shahridagi ilmiy markazlarda, jumladan, OʻzMU, ToshKTI, OʻzR FA tarmoqlar institutlari, Olmaliq togʻ-metallurgiya kombinatida ishlab chiqarish amaliyotlarini oʻtashmoqda.
Amaliy darslar talabalarga nazariy bilimlarni amaliyotda qoʻllash, malakali mutaxassislar bilan birga ishlab chiqarish jarayonida ishtirok etish va nazariy bilimlarini amaliyot yordamida boyitish imkonini beradi.
