Termiz davlat universitetining tabiiy fanlar fakultetida tahsil olayotgan talabalar oliygoh tasarrufidagi "Darband oʻquv amaliyot bazasi"da dala amaliyotiga joʻnab ketishgani haqida xabar bergan edik.
Ayni paytda talabalar uchun amaliyot qizgʻin davom etmoqda. Ular dala amaliyoti davrida oʻzlariga biriktirilgan amaliyot rahbari yordamida mintaqaning oʻsimliklar qoplami, tur tarkibi, tarqalish areali va oʻsimliklarning morfologik, anatomik tuzilishi toʻgʻrisida izlanishlar olib borishmoqda.
Tabiiy sharoitda oʻsayotgan oʻsimlik turlari ustida kuzatuv ishlarini olib borayotgan amaliyotchilarga gerbariy materiallarini tayyorlash, ularni turlarga ajratish boʻyicha berilgan topshiriqni katta qiziqish bilan bajarishmoqda.
