O‘zbek filologiyasi fakultetida universitet xotin-qizlar kengashi tashabbusi bilan Oʻzbekiston xalq shoirasi Halima Xudoyberdiyeva tavalludining 77 yilligi munosabati bilan “Oʻzbekning shoira ayoli” mavzusida adabiy kecha oʻtkazildi.
Unda shoira oʻzbek sheʼriyatiga samimiy insoniy tuygʻu va fazilatlar — sevgi va sadoqat, mehr va muruvvatni tarannum etuvchi, oʻzbek xotin-qizlari orzu va armonlarining kuychisi sifatida kirib kelganligi eʼtirof etildi. Talabalar tomonidan shoira sheʼrlari mahorat bilan ijro etilib, hayoti va ijodi haqida maʼlumotlar keltirildi.
