Termiz davlat universiteti rektori A.Toshqulov Boysun tumani Mustaqillik va Chorchinor mahallasidan o‘ziga biriktirilgan yoshlar bilan ochiq muloqot o‘tkazib, ularning muammolarini tingladi.
Muloqot davomida yoshlar, tadbirkorlik, o‘zini-o‘zi band qilish bilan shug‘ullanish uchun zarur shart-sharoitlar yaratib berish hamda ijtimoiy iqtisodiy muammolarini hal etish masalalarida murojaat qilishdi. A.Toshqulov har bir murojaat bo‘yicha tegishli mutasaddilarga topshiriq berib, ijrosi bo‘yicha aniq muddat belgilab berdi. Shuningdek, ular uchun Samarqand hamda Buxoro viloyatlariga sayohat tashkil etish rejalashtirildi.
Mazkur uchrashuv Davlatimiz rahbarining “Oʻzbekiston – 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida”gi Farmoni 1-bandida alohida ishlash talab etiladigan yoshlarni masʼul rahbarlarga nomma-nom biriktirish amaliyotini joriy etish vazifasi ijrosini ta’minlash maqsadida tashkil etildi.