TRIGGER loyihasi doirasida Termiz davlat universitetida “Markaziy Osiyo sharoitida universitet bitiruvchilarini ishga joylashtirishda TRIGGER loyihasining targʻibot faoliyati” mavzusida xalqaro konferensiya oʻtkazildi.
Unda TerDU xalqaro aloqalar boʻyicha prorektori, Markaziy bank Surxondaryo viloyati bosh boshqarmasi xodimi, hamkor oliy taʼlim muassasalari vakillari, professor-oʻqituvchilar ishtirok etib, loyiha doirasida atroflicha soʻz yuritishdi.
Konferensiyada dastlab TRIGGER loyihasi doirasida TerDUda amalga oshirilgan ishlar samaradorligi, natijalari bilan tanishtirildi. Shuningdek, maʼruzachilar “Tadbirkorlik taʼlimi va koʻnikmalarini rivojlantirish boʻyicha tajribalar”, “Talabalarda moliyaviy savodxonlikni shakllantirish”, “Raqamli texnologiyaning afzallik va kamchiliklari” mavzularida ma'ruzalar qilishdi.