Usmon Azim tugʻilgan yurti Surxondaryo viloyatining qadimiy Boysunida milliy qadriyatlar havosi bilan toblangan inson. U nafaqat nazmda, balki nasrda ham oʻzining alohida oʻrniga ega.
Ijodiy uchrashuv davomida Usmon Azim hayot va ijod yoʻli, ustozlar oʻgitlari, shoir yuragining hamisha uygʻoqligi haqida soʻzladi. Shoir sheʼrlaridan namunalar oʻqib berish bilan birga, ularning yozilish tarixi bilan ham oʻrtoqlashdi.
Xalqimiz eʼzozidagi, bugungi adabiyotimizning otaxon ijodkorlaridan boʻlgan shoirni ishtirokchilar oʻzlari uchun qaytadan kashf etishdi. Yakunda talabalar sevimli ijodkoridan dastxat olish, unutilmas onlarni muxrlash uchun rasmga tushish baxtiga ham muyassar boʻlishdi.
