Termiz davlat universitetida Surxon elining farzandi, Oʻzbekiston yozuvchilar uyushmasi raisi, Oʻzbekiston xalq shoiri Sirojiddin Sayyid bilan ijodiy uchrashuv tashkil etildi.
Rektor Abduqodir Toshqulov tadbirni ochib berar ekan, shoirning mazmunli ijod va hayot yoʻli haqida toʻxtalib, uning sheʼrlarida oʻrganish lozim boʻlgan mavzular juda koʻp ekanligini eʼtirof etdi.
Vatan, Ona, tinchlik, sadoqat, muhabbat kuychisi S.Sayyid talabalar bilan samimiy suhbat chogʻida bolalik yillari, adabiy muhit, sheʼrlarining yaralish tarixi haqida soʻzlab berdi.
Uchrashuv yakunida shoir talabalar uchun universitet kutubxonasiga oʻz kitoblaridan sovgʻa qildi.