Yig‘ilishda universitetda o‘quv jarayonlarining monitoringini olib borishdagi yo‘l qo‘yilayotgan sustkashliklar tanqid qilinib, mas'ullar faoliyatiga jiddiy e'tirozlar bildirildi.
Shuningdek, professor-o‘qituvchilar tomonidan o‘tilayotgan darslar sifatini yaxshilashga asosiy e'tiborni qaratish maqsadida darslarni muntazam tahlil qilib borish orqali pedagoglar mas'uliyatini oshirish lozimligi ta'kidlandi.
Yig‘ilish davomida talabalar turar joylarida ma'naviy-ma'rifiy tadbirlarni ko‘paytirish, yotoqxona va ijara xonadonlarida istiqomat qilayotgan talabalarga e'tiborni kuchaytirish yuzasidan mas'ullarga zaruriy topshiriqlar berildi.
Yakunda universitet faoliyatini har sohada yaxshilash uchun mas'ullardan tashkil topgan maxsus ishchi guruh tuzgan holda respublikamizning ilg‘or ta'lim muassasalarini o‘rganib, tajriba almashib kelish bo‘yicha takliflar ilgari surulib, tegishli qarorlar qabul qilindi.
