Ayni kunlarda “Yashil makon” dasturi doirasida universitet hududida koʻchat ekish va obodonlashtirish ishlari olib borilmoqda.
Hududda jami 3 ming 655 tup (archa daraxti turlari, olma, yongʻoq) mevali va manzarali daraxt koʻchatlari hamda 8 mingta mavsumiy gullar ekish ishlari bosqichma-bosqich amalga oshirilmoqda.
Koʻchatlar muassasaning iqlim sharoitidan kelib chiqib, tanlab olindi. Endi ular agrotexnik talablar asosida parvarish qilinadi, mineral va organik oʻgʻitlar bilan oziqlantirilib, zararkunandalardan himoya qilib boriladi.