Termiz davlat universitetida seminarning rasmiy qismi boʻlib oʻtdi. Tadbirda viloyat hokimi, viloyat Maʼnaviyat va maʼrifat kengashi raisi Ulugʻbek Qosimov, Qoraqalpogʻiston Respublikasi, Toshkent shahri va viloyatlar masʼullari ham ishtirok etdi.
Birgalikda bugun “Maʼnaviyat sektori” — yangi kuch, yangi harakatga aylanishi uchun oldimizda turgan muhim vazifalar xususida suhbatlashdik.
Tadbir davomida universitetda yangi sektor faoliyati boʻyicha amalga oshirilgan ishlar bilan tanishildi.
Xabaringiz bor, “Yashil makon” umummilliy harakati doirasida Markaz tomonidan ziyolilar harakati sifatida Sirdaryo viloyatida “Maʼrifat bogʻi” yaratilgan edi. Mazkur ezgu tashabbus Surxondaryoda ham amalga oshirildi.
Yangi nihollar yangi kuch va yangi harakatga aylanadigan “Maʼnaviyat sektori”ning kelajak oldidagi masʼuliyati sifatida gullab-yashnab qad rostlaydi.