Surxondaryo viloyatida buyuk mutafakkir Alisher Navoiy tavalludining 581 yilligi keng nishonlanmoqda.
Bugun erta tongdan Termiz shahridagi Alisher Navoiy haykali boʻy koʻrsatib turgan maydonga davlat va jamoat tashkilotlari vakillari, professor-oʻqitivchilar, shoir va yozuvchilar jam boʻlishdi.
Tantanali marosim ishtirokchilari oʼzbek tilining boy va jozibador muloqot vositasi ekanini keng namoyon etib, goʼzal asarlar yaratgan buyuk mutafakkir Аlisher Navoiy haykali poyiga gulchambarlar qoʼydi. Tadbirda Surxondaryo viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʼyicha oʼrinbosari Ilhom Safarov, Termiz davlat universiteti rektori Аvazjon Marahimov, Oʼzbekiston Yozuvchilari uyushmasi viloyat boʼlimi rahbari Mengnor Аllamurodov va boshqalar soʼzga chiqib, buyuk bobokalonimizning hayoti, boy madaniy merosi va ularning bugungi kundagi qadr-qimmati xususida atroflicha fikr yuritdi.
