Yoshlar o‘rtasida vatanparvarlik tuyg‘ularini shakllantirish, ularni ona Vatanga sadoqat ruhida tarbiyalash, aholiga mudofaa tizimida amalga oshirilayotgan islohotlarni yetkazish, Qurolli Kuchlarning salohiyatini namoyish etish maqsadida o‘tkazilayotgan oylik munosabati bilan universitetimizda ham tadbirlar boshlandi.
Termiz davlat universitetida “Vatan aziz –burchi muqaddas” mavzusida tadbir tashkil etildi. Unda Tarix fakultetining professor-o’qituvchilari va talabalari faol ishtirok etishdi.
Tadbirni universitetning yoshlar masalalari va ma‘naviy-ma‘rifiy ishlar bo‘yicha prorektori Obid Shofiyev kirish so’zi bilan ochib berdi. Shundan so’ng Tarix fakulteti dekani X.Xolmo’minov “Vatan himoyasi muqaddas burch” mavzusida, N-harbiy qism kapitani A.Inomjonov “Bilib qo’yki, seni ozod va obod Vatan kutmoqda” mavzusida, Jahon tarixi kafedrasi mudiri S.Tursunov “Vatan uchun jon fido etmoq – bizning burchimizdir” mavzusida ma’ruzalar qilishdi.
Tadbir so’ngida fakultet talabalari tomonida badiiy chiqishlar namoyish etildi.
