O‘ZBEKISTON RESPUBLIKASI KONSTITUTSIYASI QABUL QILINGANLIGINING 29 YILLIGIGA BAGʻISHLANGAN DAVRA SUHBATI
Joriy yilning 7 dekabrida Termiz davlat universitetida O‘zbekiston Respublikasi Konstitutsiyasi qabul qilinganligining 29 yilligi munosabati bilan “O‘zbekiston Respublikasi Konstitutsiyasi – hayotimizning huquqiy asosi” mavzusida davra suhbati bo‘lib o‘tdi. Unda professor-o‘qituvchilar, talabalar, viloyat prokuraturasi, adliya boshqarmasi hamda OAVlari vakillari ishtirok etishdi. Tadbir davlat madhiyasi sadolari ostida boshlandi.
Davra suhbatini yuridik fakulteti dekani, yu.f.d. J.Xolmo‘minov ochib berdi.
So‘ngra viloyat prokurorining katta yordamchisi A.Bobomurodov, viloyat adliya boshqarmasi boshlig‘ining o‘rinbosari A.Rahmatov, TerDU dosenti N.Yangiboyev, yuridik fakulteti 2-bosqich talabasi N.Xo‘shboqovalar ma’ruzalar qilishdi. Davra suhbati qizg‘in bahs, munozara, savol-javob shaklida bo‘lib o‘tdi.
