“KONSTITUTSIYA – BAXTIMIZ QOMUSI” MAVZUSIDAGI DAVRA SUHBATI
6 dekabr kuni tarix fakultetida O‘zbekiston Respublikasi Konstitutsiyasining 29 yilligi munosabati bilan “Konstitutsiya – baxtimiz qomusi” nomli davra suhbati bo‘lib o‘tdi. Unda professor-o‘qituvchilar va talabalar ishtirok etishdi. Tadbir Vatanimiz madhiyasi bilan boshlandi.
Fakultetning yoshlar bilan ishlash bo‘yicha dekan o‘rinbosari Abdulhakim Bo‘ronov Konstitutsiyamizning hayotimizda tutgan o‘rni, huquqiy ong va bilim naqadar zarurligi haqida mulohazalarini bildirdi. So‘ng jahon tarixi kafedrasi katta o‘qituvchisi Ikrom Umarov so‘z olib, Konstitusiyamizning yaratilish tarixi, uning demokratik-huquqiy davlat barpo etish va inson manfaatlarini ta’minlashdagi ahamiyati, Bosh Qomusimizning xalqchilligi, xalqaro huquq normalariga mosligi haqida atroflicha ma’lumot berdi. Tadbirda talabalar ham o‘z fikr-mulohazalarini bildirdi.
