Ishmurzoyev Akbarali Abdujabborovich – Surxondaryo viloyati Shoʻrchi tumani hokimi
2003 va 2009-yillarda Termiz davlat universitetini tamomlagan (mutaxassisligi: transport vositalaridan foydalanish hamda moliya).
Mehnat faoliyatini ijro hokimiyati organlarida turli masʼul lavozimlardan boshlagan.
Faoliyati davomida Uzun va Angor tumani hokimining oʻrinbosari, shuningdek, Denov tumani hokimining qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari (2023–2024) lavozimlarida ishlagan.
2024-yil 25-sentabr kuni Xalq deputatlari Shoʻrchi tumani Kengashining navbatdan tashqari sessiyasida Surxondaryo viloyati Shoʻrchi tumani hokimi lavozimiga tasdiqlangan.