“Quvnoqlar va zukkolar” yoshlarning boʻsh vaqtini mazmunli tashkil etishda, iqtidorini namoyon qilishda, bilim olishga chorlashda, kreativ, tanqidiy tafakkurini yuksaltirishda eng muhim ijtimoiy loyiha hisoblanadi.
Termiz davlat universitetida oʻtkazilgan saralash bosqichlarida mavjud 17 ta jamoa orasidan final bosqichida quyidagi 4 ta jamoa ishtirok etdi:
1. Rus filologiyasi fakultetining “Enerjayzer” jamoasi
2. Kimyo-texnologiyalar fakultetining “Fayz” jamoasi
3. Yuridik fakultetining “Barristerlar” jamoasi
4. Xorijiy filologiya fakultetining “Inique stars” jamoasi
Fakultetlararo “Quvnoqlar va zukkolar” koʻrik-tanlovining final bosqichini oʻtkazish tartibiga koʻra jamoalar tanishtiruv (yoshlar oʻrtasidagi jiddiy muammo), beatlon (ijtimoiy tarmoqdagi hazillar) va har bir hazil QVZning mulki shartlari boʻyicha oʻzaro bellashishdi.
Keskin va murosasiz ruhda kechgan musobaqa natijasiga koʻra,
1- oʻrinni - Kimyo-texnologiyalar fakultetining “Fayz” jamoasi;
2- oʻrinni - Yuridik fakultetining “Barristerlar” jamoasi;
3- oʻrinni - Rus filologiyasi fakultetining “Enerjayzer” jamoasi qoʻlga kiritdi.
Ushbu tanlov yakunida musobaqa gʻoliblari universitet rahbariyati tomonidan faxriy yorliq, diplom va qimmatbaho sovgʻalardan hamda:
1-oʻrin uchun 5 000 000
2-oʻrin uchun 3 000 000
3-oʻrin uchun 2 000 000 soʻmdan pul mukofotlari bilan taqdirlandi.
Musobaqada ishtirok etgan barcha jamoalarga oʻz muxlislariga samimiy va doʻstona ruhiyat baxshida etganligi uchun oʻz minnatdorchiligimizni bildirgan holda musobaqa gʻoliblarini muborakbod etamiz.
