2021 yil 29 aprel kuni Termiz davlat universitetining Xorijiy filologiya fakultetida talaba qizlarning ongi va huquqiy madaniyatini yuksaltirish, huquqbuzarlik hamda jinoyatchilikning oldini olish maqsadida “Yoshlar oʻrtasida sogʻlom turmush tarzini targʻib qilish" mavzusida hamkor tashkilot xodimlari ishtirokida uchrashuv tashkil etildi.
Uchrashuvda Termiz shahar Kengashi deputati, Termiz shahar targʻibot guruhi rahbari D.Normurodova va Oʻzbekiston Xalqaro Islom akademiyasi malaka oshirish markazi Surxondaryo mintaqaviy filiali mutaxassisi, Termiz davlat universiteti Psixologiya kafedrasi oʻqituvchisi Sh.Xolmurotovalar ishtirok etishdi.
“Oʻzbekistonda diniy bagʻrikenglik ildizlari”, “Diniy ekstremistik tashkilotlar tomonidan diniy bagʻrikenglik tamoyillarining buzilishi” kabi mavzularda maʼruzalar qilindi.
Talaba qizlarning ongi va huquqiy madaniyatini yuksaltirish bilan bogʻliq bo’lgan mavzu doirasida berilgan savollarga mutaxassislar tomonidan atroflicha javob berildi.
