Bugun Termiz davlat universitetida 9-dekabr – Xalqaro korruptsiyaga qarshi kurashish kuni munosabati bilan davra suhbati bo‘lib o‘tdi. Unda professor-o‘qituvchilar, Termiz shahar adliya boshqarmasi vakillari, talabalar, universitet korruptsiyaga qarshi kurashish «komplayens-nazorat» tizimini boshqarish bo‘limi xodimlari ishtirok etishdi. Tadbirni universitet yoshlar masalalari va ma’naviy-ma’rifiy ishlar bo‘yicha prorektor O.Shofiyev ochib berar ekan, keyingi paytlarda yurtimizda korruptsiyaga qarshi olib borilayotgan ishlar, qabul qilinayotgan qonunlar mazmun mohiyati haqida gapirib o‘tdi. So‘ng Termiz shahar adliya bo‘limi boshlig‘i A.Jabborov, adliya bo‘limi bosh maslahatchisi P.Eshimov, yuridik fakulteti dekani J.Xolmo‘minov, universitet korrupsiyaga qarshi kurashish «komplayens-nazorat» tizimini boshqarish bo‘limi boshlig‘i F.Qodirov va so’zga chiqqan talabalar mulohazalarini bayon etishdi.
