2021-yil 1-fevraldan Termiz davlat universiteti talabalari hamda 30 yoshgacha bo‘lgan tadqiqotchilar o‘rtasida San’atshunoslik, Arxitektura va qurilish fakultetlari o‘quv binosini ta’mirlash, o‘quv-ilmiy maskanga aylantirish va hududini obodonlashtirish (landshaft) bo‘yicha tanlov e’lon qilindi va 2-martgacha hujjatlar qabul qilindi. Tanlov shartlariga ko‘ra, binoning tashqi ko‘rinishi fasadi, binoning ichki ko‘rinishi intereri, bino inshoot (O‘quv binosi, sport maydonchalari va yordamchi bino) larini kompleks kapital ta’mirlash, yashil maydonlarining landshaft loyihalanishi, o‘quv-laboratoriya hamda ijod xonalari jihozlanishi va dizayni, loyiha takliflarining konstruktiv, iqtisodiy va energiya tejamkor jihatlari kabi omillar e’tiborga olingan.
Tanlov g‘oliblariga, jumladan, 1-o‘rin uchun “Noutbuk”, 2-o‘rin uchun “Planshet”, 3-o‘rin uchun “Smartfon” sovrinlar nasib qildi. Tanlovda talabalar hamda 30 yoshgacha bo‘lgan tadqiqotchilarimiz ishtirok etishlari mumkin bo‘lib, bunda betakror badiiy kompozitsion yechim va kreativ yondashuvga ega bo‘lishi hamda estetik o‘ziga xosligi talab etilgan.
.jpg)
TerDU Rus va qardosh tillar fakulteti talabasi, «Kelajak liderlari» klubi a’zosi Mengto‘raev Samandar Xamidovich 2021 yildagi «O‘zbekiston uchun 100 g‘oya» tanlovida FINAL bosqichi g‘olibi bo‘ldi. Finalda O‘zbekiston bo‘yicha kuchli 245 ta g‘oya egalari top 100 g‘oya uchun kurashdi. G‘olib “Mahalliy va xorijiy sayyohlar uchun yurtimizdagi ziyoratgohlar va ularga xizmat ko‘rsatish sohalarini elektron tarzda ma’lumot beruvchi Ziyarat mobil ilovasi orqali xizmat ko‘rsatish” bo‘yicha taqdimot olib bordi.
O‘zbekiston Respublikasi Prezidentining «Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida» 2019 yil 3 maydagi PQ-4306 sonli, 2020 yil 12 avgustdagi «Kimyo va biologiya yo‘nalishlarida uzluksiz ta’lim sifatini va ilm-fan natijadorligini oshirish chora-tadbirlari to‘g‘risida» PQ-4805-sonli hamda 2020 yil 7 maydagi «Matematika sohasidagi ta’lim sifatini oshirish va ilmiy tadqiqotlarni rivojlantirish chora-tadbirlari to‘g‘risida» PQ-4708-son qarori 1-ilovasi bilan tasdiqlangan «O‘zbekiston Respublikasi matematika fanlari bo‘yicha ta’lim sifatini yaxshilash, ilmiy tadqiqotlarning natijadorligi va amaliy ahamiyatini oshirishning maqsadli dasturi» 6-bandida belgilangan vazifalar ijrosini ta’minlash maqsadida universitet tashkilotchiligi va homiyligi ostida 2021 yil 29-30 may kunlari Surxondaryo viloyatidagi umumiy o‘rta ta’lim maktabi o‘quvchilari o‘rtasida kimyo, biologiya, fizika, matematika va ingliz tili fanlaridan «Surxon iqtidorlari» olimpiadasi o‘tkazildi.
«Surxon iqtidorlari» olimpiadasi g‘oliblariga universitet tomonidan birinchi o‘rin egallagan 5 nafar o‘quvchilarga planshet, ikkinchi o‘rinni egallagan 5 nafar o‘quvchilarga smartfon, uchinchi o‘rinni egallagan 5 nafar o‘quvchilarga smartfonlar topshirildi.
2021 yilda universitet tarixida birinchi marta “Universitet stipendiyasi” tashkil etildi. Universitet stipendiyasi uchun o‘tkazilgan tanlovda fakultetlardan jami 117 nafar talabalarning hujjatlari qabul qilindi. Universitet rektorining 2021 yil 16 noyabrda “2021/2022 o‘quv yili uchun universitet bakalavriat talabalari o‘rtasida universitet stipendiyasini o‘tkazish to‘g‘risida”gi 327-U sonli buyrug‘i asosida stipendiatlarni aniqlash bo‘yicha ishchi guruh tarkibi tasdiqlandi va fanlardan o‘zlashtirishi yuqori, ilmiy sohada yutuqlarni qo‘lga kiritgan, mutaxassislik fanlari bo‘yicha chuqur bilimga ega bo‘lgan 50 nafar talabalar saralanib, ularga 2021-2022 o‘quv yili uchun bazaviy stipendiya miqdorida stipendiya tayinlandi.
2021-yilda universitetda alohida iqtidorli talabalarni chuqurlashtirilgan maxsus dastur asosida o‘qitishga alohida e’tibor berildi. Universitet rektorining 2021-yil 13-martda “Universitetda iqtidorli talabalar uchun tashkil etilgan qo‘shimcha mashg‘ulotlarni samarali o‘tkazish, iqtidorli talabalarni fan olimpiadalari va ilmiy-tadqiqot ishlariga jalb etish to‘g‘risida”gi 105-U sonli buyrug‘i qabul qilinib, 2020-2021-o‘quv yilining 2-yarmida iqtidorli talabalarni o‘qitish bo‘yicha ishlar amalga oshirildi.
Shu yo‘nalishdagi ishlarni jadallashtirish maqsadida 2021-2022 o‘quv yilining noyabr oyidan ta’lim yo‘nalishlari bo‘yicha mutaxassislik fanlaridan alohida iqtidorli talabalar uchun chuqurlashtirilgan maxsus dastur asosida mashg‘ulotlar tashkil etildi. Ta’lim yo‘nalishlari bo‘yicha mashg‘ulotlarga 941 nafar iqtidorli talabalar jalb etildi va ularga 103 nafar professor-o‘qituvchilar ta’lim bermoqda.
Markaz kelgusi o‘quv yilida har bir fakultetda biznes trening o‘tish orqali iqtidorli talabalarni jalb etish, startap loyihalarni moliyalashtirish va 7 tadan kam bo‘lmagan loyihani molyalashtirish maqsad qilingan.
Universitetda talabalar tomonidan taqdim etilgan “BAZARPLUS” va “ZIYARAT” loyihalari katta potensialga egaligi, shuningdek, ish bilan bandlikni ta’minlashdagi o‘rni qiziqish uyg‘otib, kelgusida ushbu loyihalarni moliyalashtirish va mahalliy bozorga integratsiya qilish bo‘yicha mas’uish olib borildi.
Tanlab olingan “BAZARPLUS” platformasining asosiy maqsadi elektron oziq-ovqat bozorini yaratish hamda iste’molchilarga sifatli va arzon oziq-ovqat mahsulotlarini yetkazishdan iborat. “ZIYARAT” mobil ilovasi esa mamlakatimiz turizm salohiyatini yanada rivojlantirishda turistlar oqimini oshirish va ularga qulayliklar yaratishga xizmat qiladi. Shu maqsadda ushbu startap mualliflariga 150 milliondan ajratildi.
