“Yashil makon” umummilliy loyihasi davom etmoqda
Ekologik holatni yaxshilash, yashil hududlarni kengaytirish chora-tadbirlari yuzasidan videoselektor yigʻilishida davlatimiz rahbari tomonidan belgilangan vazifalar (https://t.me/shmirziyoyev/8635) ijrosi yuzasidan "Yashil makon" umummilliy loyihasini amalga oshirish yo‘lga qo‘yilgan.
Termiz davlat universiteti jamoasi ham “Yashil makon” umummilliy loyihasi doirasidagi “Dolzarb 40 kunlik” aksiyada ishtirok etib, yashil maydonlar yaratishga munosib hissa qoʻshmoqda.
Angor tumani hududiga qarashli 9 gektardan ortiq maydonga 10000 tupdan ortiq mevali daraxtlar ekish rejalashtirilgan bo’lib, bugun mazkur hududda obodonlashtirish ishlari olib borildi.
Mazkur loyihada soha prorektorlari, fakultet dekanlari va dekan muovinlari, tyutorlar, professor-oʻqituvchilar, ishchi-xodimlar hamda koʻngilli talabalar ham faol ishtirok etishdi.
