Bugun O‘zbekiston Respublikasining “Davlat bayrog‘i to‘g‘risida”gi qonuni qabul qilinganligiga 30 yil to‘ldi.
Ushbu kun respublikamizning barcha hududlarida bo‘lgani kabi Termiz davlat universitetida ham ko‘tarinki kayfiyatda boshlandi.
Erta tongdan professor-o‘qituvchilar, talaba-yoshlar ko‘ksiga bayroq ramzi tushirilgan tasmalar qadagan holda kutib olindi.
Tadbirda yoshlar masalalari va ma'naviy-ma'rifiy ishlar bo‘yicha prorektori Obidjon Shofiyev so‘zga chiqib, erkimiz ramzi, uning tarixi to‘g‘risida fikrlar bildirdi.
Vatanni, davlat bayrog‘ini madh etuvchi kuy-qo‘shiqlar ijro etildi.
Davlat ramzlari qatorida hur bayrog‘imiz xalqimizning shon-sharafi, tarixiy xotirasi, intilishlarini o‘zida mujassam etib, shu yurtda yashovchi har bir fuqaroga g‘urur, faxr, iftixor bag‘ishlaydi va u mangudir!
