Muhtaram Yurtboshimiz tomonidan ilgari surilgan 5 ta muhim tashabbusning 4 tashabbusi ijrosini taʼminlash, talaba yoshlarda kitobxonlik madaniyatini oshirish, ularning kitobga boʻlgan muhabbatini yanada oshirish maqsadida, oʻzbek romanchilik maktabining asoschisi Abdulla Qodiriy ijodini targʻib qilish maqsadida Termiz davlat universiteti Oʻzbek filologiyasi fakultetida “Abdulla Qodiriy asarlari haftaligi” oʻtkazildi.
Haftalik doirasida turli maʼnaviy-maʼrifiy tadbirlar oʻtkazish rejalashtirilgan boʻlib, dastlab talabalar fakultetga tashrif buyurgan professor-oʻqituvchilar va talabalar bilan yozuvchi asarlari yuzasidan muloqot olib borishdi.
Shundan soʻng, asosiy maʼnaviy-maʼrifiy tadbir oʻtkazildi. Tadbir davomida talabalar Abdulla Qodiriyning “Oʻtkan kunlar” asari asosida sahnalashtirilgan sahna koʻrinishlarini namoyish etishdi, yozuvchining eng sara sheʼrlari yangradi. Goʻzal qoʻshiq va raqslar ijro etildi.
