Termiz davlat universitetida Oʻzbekiston Respublikasi Oliy Majlisi Senatining Axborot siyosati va davlat organlarida ochiqlikni taʼminlash masalalari qoʻmitasi raisi oʻrinbosari Boqiyev Farxod Esanovich bilan talabalar uchrashuvi boʻlib oʻtdi
Unda Termiz davlat universitetining Yoshlar masalalari va ma’naviy-ma’rifiy ishlar bo’yicha prorektori vazifasini bajaruvchi Shofiyev Obidjon Baxtiyorovich, xalq deputatlari Surxondaryo viloyati Kengashi kotibiyati mudiri Abduraimov Saydullo Berdishukurovich, universitet tyutorlari hamda talabalar ishtirok etishdi.
Uchrashuvdan asosiy maqsad – talabalarning siyosiy maydonda boʻlayotgan oʻzgarishlardan xabardor qilish hamda Parlamentning dunyo Geosiyosiy maydondagi oʻrni va nufuzi, rivojlangan mamlakatlar qatoridagi faoliyati hamda bugungi kunda jamiyatda hayotida muhim boʻlayotgan qonunlarni ishlab chiqishda Senatning oʻrni va ahamiyati toʻgʻrisida ochiq muloqot oʻtkazildi. Talabalar oʻzlarining Senatda maʼqullanayotgan qonunlarda qay tarzda jamoatchilik fikrini olish va ishtirok etish tartib taomillari toʻgʻrisidagi maʼlumotlarga ega boʻlishdi.
Tadbirda ishtirokchilar mavzular doirasida o‘z savollariga javob olishdi.
