Oʻzbekiston Respublikasi Prezidenti huzuridagi Davlat xizmatini rivojlantirish agentligining Surxondaryo viloyati filiali tomonidan Termiz davlat universitetida viloyatdagi oliy taʼlim muassasalarining kadrlar boʻlimi masʼullari ishtirokida seminar oʻtkazildi.
Seminarda agentlikning Surxondaryo viloyati filiali Bosh inspektori Ilxom Karimov, yetakchi inspektori Azimjon Xamdamovlar tomonidan Oʻzbekiston Respublikasi Prezidentining 2019-yil 3-oktyabrdagi PF–5843-son “Oʻzbekiston Respublikasida kadrlar siyosati va davlat fuqarolik xizmati tizimini tubdan takomillashtirish chora-tadbirlari toʻgʻrisida”gi Farmoni mazmun mohiyati tushuntirildi.
Davlat fuqarolik xizmatchilari vakant lavozimlarining yagona ochiq portali rasmiy kanali vacancy.argos.uz orqali oʻtkazilayotgan tanlovlar boʻyicha maʼlumotlar aytib o‘tildi.
Oliy va oʻrta –maxsus taʼlim vazirining 2021-yil 15-fevraldagi “Oʻzbekiston Respublikasi Oliy va oʻrta-maxsus taʼlim vazirligi markaziy apparati, hududiy boʻlinmalar, tizimdagi tashkilotlardagi vakant lavozimlarga ishga qabul qilish, xodimlarni boshqa lavozimga oʻtkazishda tanlov asosida saralab olish tartibi”ga asosan amalga oshirilishi lozim boʻlgan vazifalar toʻgʻrisida tegishli koʻrsatmalar berildi.
