Tadbirkorlar va ishbilarmonlar harakati – Oʻzbekiston Liberal-demokratik partiyasidan Oʻzbekiston Respublikasi Prezidentligiga nomzod Shavkat Mirziyoyevning Surxondaryo viloyatidagi ishonchli vakili Abdulhakim Eshmuratov Termiz davlat universiteti talabalari bilan uchrashdi.
Uchrashuvda ishonchli vakil ishtirokchilarni OʼzLiDePdan Prezidentlikka koʻrsatilgan nomzod Shavkat Mirziyoyevning tarjimai holi hamda saylovoldi dasturi bilan yaqindan tanishtirdi.
OʼzLiDePdan koʻrsatilgan Prezidentlikka nomzodning saylovoldi dasturida inson qadri ustuvor boʻlgan jamiyat va xalqparvar davlat – yaʼni, Yangi Oʻzbekistonni barpo etishdek ulugʻvor gʻoya oʻz ifodasini topgan. Ustuvor yoʻnalishlardan iborat saylovoldi dasturida kelgusi 5 yilda Oʻzbekistonni ijtimoiy-iqtisodiy rivojlantirib, koʻp millatli xalqimiz turmush farovonligini yanada yuksaltirish, ilm-fan, taʼlim, tibbiyot, sanoat, qurilish, xizmatlar koʻrsatish va boshqa sohalarda amalga oshirilishi lozim boʻlgan muhim vazifalar belgilangan.
Yosh saylovchilar bilan yuzma-yuz ochiq muloqotlarda joriy yilning 24-oktyabr kuni boʻlib oʻtadigan Prezident saylovida barchani faol qatnashishga, OʼzLiDeP nomzodini qoʻllab-quvvatlab, ovoz berishga chaqirildi.
