TerDUda “TRIGGER” LOYIHASI DOIRASIDA SEMINAR BO‘LIB O‘TDI

 Ma’lumki, Termiz davlat universitetining  professor-o‘qituvchilari bir necha yillardan buyon Yevropa Ittifoqining Erasmus+ dasturi doirasidagi loyihalarda faol ishtirok etib kelmoqda. 
Joriy yildan boshlab universitet “Triggering innovative approaches and entrepreneurial skills for students through creating conditions for graduate’s employability in Central Asia – TRIGGER” (Markaziy Osiyoda bitiruvchilarning ishga joylashishi sharoitlarini yaratish uchun talabalarning innovativ yondashuvlari va tadbirkorlik ko‘nikmalarini yo‘lga qo‘yish) nomli yana bir qo‘shma loyihada ishtirok etadigan bo‘ldi.
“TRIGGER” loyihasida Slovakiya, Fransiya, Avstriya, Gresiya, O‘zbekiston, Qozog‘iston, Tojikiston oliy ta’lim muassasalari qatnashmoqda. Loyihaning asosiy muvofiqlashtiruvchisi Slovakiyaning Koshise texnika universiteti (The Technical University of Košice – TUKE) bo‘lib, u 1952 yilda tashkil etilgan. Shu o‘rinda mazkur oliygoh dunyo universitetlarining xalqaro reytingida yuqori o‘rinlarda turishini qayd etib o‘tish joiz.
TRIGGER loyihasining asosiy maqsadi Markaziy Osiyo mamlakatlarida bitiruvchilarning ish bilan ta’minlanishi uchun qulay shart-sharoitlar yaratish orqali iqtisodiyotning o‘sishiga hissa qo‘shishdan iborat. Bunga oliy o‘quv yurtlarining kelajakdagi muammolarga tayyorligini oshirish orqali erishiladi. Loyihada oliy ta’lim muhitining tadbirkorlik va innovasion faoliyatlari, tadbirkorlik ta’limi va ko‘nikmalarini rivojlantirishni takomillashtirish, ishga qabul qilish, bitiruvchilarning bandligini ta’minlashda oliy o‘quv yurtlarining hamkorligini mustahkamlash, ularning barqarorligini ta’minlash bo‘yicha olti qismdan iborat vazifalar ko‘zda tutilgan.  Loyihaning umumiy byudjeti 999,573 yevroni tashkil qiladi.
Loyiha konsorsiumi Markaziy Osiyodagi uchta davlatdan 11ta oliy ta’lim muassasalari, Yevropa Ittifoqining uchta davlatidan 3 OTM hamda 2 ta hamkor tashkilotdan iborat.
“TRIGGER” loyihasi doirasida bir qator seminarlar, anjumanlar o‘tkazilishi rejalashtirilgan. Joriy yilning 12-13-oktyabr kunlari Termiz davlat universitetida  loyiha doirasida seminar bo‘lib o‘tdi. Seminarda loyiha a’zolari, ish beruvchi tashkilot vakillari, universitet marketing bo‘limi xodimlari ishtirok etdi. 
Unda oliygohdagi bitiruvchilar, ish beruvchilar, universitet rahbariyati o‘rtasida o‘tkazilgan so‘rovnomalar natijalari tahlil qilindi. Shuningdek, kelgusidagi vazifalar belgilab olindi.

Batafsil: www.trigger-project.com

Foydali Havolalar

Yangiliklar

“INNOVATSION GʻOYALAR YETAKCHISI”

  • 2021-11-26
  • 16

koʻkrak nishoni gʻolibi deb topildi.

Batafsil

TerDU | TTJ

  • 2021-11-26
  • 18

Surxondaryo viloyati “Buvijonlar maktabi” raisi Robiya

Batafsil