Talaba-yoshlarning saylov qonunchiligi bo'yicha huquqiy ongi va madaniyatini oshirish bo'yicha “Saylov – 2021: Kelajaging uchun ovoz ber!” shiori ostida o'tkazilayotgan "Targ'ibot poyezdi" loyihasi doirasida Toshkent shahridan yo‘lga chiqqan 10 nafar a'zodan iborat targ‘ibot guruhi ayni paytda Surxondaryo viloyatiga yetib keldi. Mehmonlarni Termiz davlat universiteti rahbariyati kutib oldi.
Loyiha maqsadi: targ‘ibot guruhi a'zolari bo‘lgan talaba yoshlarining hududlardagi tengdoshlari bilan uchrashib, saylovning huquqiy asoslari, ovoz berishning ahamiyati haqida targ'ibot-tashviqot ishlarini amalga oshirishdan iborat.
