Respublikamiz bo'ylab ko’tarinki ruhda nishonlanayotgan 1-oktabr – O'qituvchi va murabbiylar kuni Termiz davlat universitetida ham katta tantanalar bilan yuqori kayfiyatda bo'lib o'tdi. Bayram tantanalarida ta’lim sohasida uzoq yillar xizmat qilgan faxriy ustozlar bilan bir qatorda barcha professor-o’qituvchilar va xodimlar ishtirok etishdi.
Tadbirni universitet rektori, professor A.Maraximov bayram tabrigi bilan ochib berdi, ustozlarga iliq tilaklar bildirildi va ilmiy va ijodiy faoliyatlariga muvaffaqiyat tiladi.
Tadbir davomida oliygoh talabalari tomonidan konsert dasturi namoyish etildi. Qadrli ustoz va murabbiylar jonli ijrodagi kuy va qo’shiqlar navosi ostida noz-ne’matlardan bahramand bo’ldilar.
Bayram tadbirlari universitet bo’ylab davom etmoqda.
