Davlat tili mavqeyi va nufuzini oshirish bo'yicha seminar tashkil etildi
Termiz davlat universiteti, Davlat kadastrlari palatasi Surxondaryo viloyati boshqarmasi hamkorligida “O‘zbek tilining davlat tili sifatidagi nufuzi va mavqeyini tubdan oshirish chora-tadbirlari tog’risida” PF-5850-sonli Farmoni ijrosini ta’minlash maqsadida “Davlat tili to‘g‘risidagi qonunchilik talablariga muvofiq ish yuritish” bo‘yicha "Qadring baland bo`lsin, ona tilim" shiori ostida o‘quv-seminari bo‘lib oʼtdi.
O‘quv-seminarda TerDU O`zbek tilshunosligi kafedrasi o’qituvchisi, filologiya fanlari bo’yicha falsafa doktori N.R.Omonturdiev tomonidan ishtirokchilarga o‘zbek tili yozuvining tarixi, o‘zbek tilining davlat tili sifatidagi nufuzi va mavqesini tubdan oshirish bo‘yicha qabul qilingan hujjatlar to‘g‘risida, hujjatlarni rasmiylashtirishda qo‘yiladigan talablar hamda Lotin yozuviga asoslangan o‘zbek alifbosida ish yuritish, imlo qoidalarini to‘g‘ri qo‘llash masalasida maʼruzalar qilindi. kiril va lotin alifbosidagi o‘zgarishlar bo‘yicha qoidalar tushuntirib o‘tildi.
