Oʻzbekiston Liberal Demokratik partiyasi saylovoldi targʻibot tadbirining navbatdagisi Boysun tumanida boʻlib oʻtdi.
Partiya faollari va aʼzolari, siyosatchi va ziyolilar, TerDUning professor-oʻqituvchilari hamda talabalar ishtirok etgan tadbirda partiyadan koʻrsatilgan nomzodning Surxondaryo viloyatidagi ishonchli vakili Abdulhakim Eshmuratov
soʻz olib, yigʻilganlarga nomzodning dasturiga oid maʼlumotlar berdi.
Mamlakatdagi islohotlar, saylov tizimi va bu yilgi jarayonlar kun tartibidagi asosiy masala boʻldi. Tumandagi mahalla-yu guzarlarda oʻtkazilgan targʻibot uchrashuvlarining yakuni kechga kelib bayramona tus oldi. Nomzodning saylovoldi dasturi va kelgusidagi vazifalarining tanishtiruvidan soʻng ishtirokchilar uchun konsert dasturi namoyish etildi. Unda TerDUning Milliy libos va san'at fakultetining talabalari oʻz chiqishlari bilan barchaga bayramona kayfiyat ulashdi. Muhimi ushbu kun har bir saylovchida iliq taassurot qoldirdi.
