Xorijiy ta’lim muassasalaridan 2021/2022 o’quv yilida Termiz davlat universitetiga o’qishini ko’chirishga hujjat topshirgan talabalar alohida iqtidor talab etiladigan yoʻnalishlarda kasbiy-ijodiy sinovdan oʻtdi.
Kasbiy-ijodiy imtihonlarning bosh maqsadi abituriyentlarning tanlangan mutaxassisliklari boʻyicha imkoniyatlarini aniqlash, bilim va malaka darajasi, kasbiy koʻnikmasi, ijodiy hamda jismoniy qobiliyatini baholashdan iborat.
Imtihon boshlanishidan oldin universitet rektori A.Maraximov bo’lajak talabalar bilan ochiq muloqot o’tkazdi. Yurtimizdagi ta’lim sohasida olib borilayotgan islohotlar, imkoniyatlar to’g’risida o’z fikrlarini bildirib o’tdi.
Kasbiy-ijodiy imtihonlar boʻlib oʻtadigan binolarda talabalar uchun barcha sharoit yaratildi. Zarur texnik vositalar bilan jihozlandi. Musiqa taʼlim yoʻnalishiga imtihon topshiruvchi abituriyentlar uchun maxsus auditoriya, jismoniy madaniyat taʼlim yoʻnalishiga imtihon topshiruvchi abituriyentlar uchun sport zallari, tasviriy sanʼat taʼlim yoʻnalishiga imtihon topshiruvchi abituriyentlar uchun jihozlangan xonalarda o'tkazildi.
Abituriyentlarning imtihon oʻtkaziladigan binoga kirishidan imtihonlarni tugatib, binoni tark etguniga qadar boʻlgan barcha jarayonlar karantin qoidalariga qatʼiy amal qilingan holda tashkil etildi.
Imtihonlarni adolatli va shaffof o‘tkazilishini ta’minlash maqsadida, imtihon jarayonlarida to‘liq kamera nazorati yo‘lga qo‘yildi va uzliksiz imtihon.edu.uz platformasi orqali jonli namoyish etib borildi. 
Kasbiy-ijodiy imtihonlarda mahalliy kengashlar deputatlari, jamoatchilik vakillari, ommaviy axborot vositalari xodimlari va blogerlar kuzatuvchi sifatida ishtirok etdi.
