Termiz tumani markazidagi “Marvarid” dam olish maskanida Tadbirkorlar va ishbilarmonlar harakati O‘zbekiston Liberal demokratik partiyasi viloyat kengashi tomonidan mustaqilligimizning 30 yilligi munosabati bilan “Yangi O‘zbekistonda erkin va farovon yashaylik!” shiori ostida tadbir bo‘lib o‘tdi.
Unda Oliy Majlis Qonunchilik palatasi deputatlari B. Mardayev va F. Samatov, Termiz davlat universiteti rektori A. Maraximov, O‘zLiDeP Surxondaryo viloyati Kengashi raisi A. Ro‘ziyev, Afg‘oniston fuqarolarini o‘qitish ta’lim markazi direktori O. Ro‘ziyev, Termiz tuman hokimining o‘rinbosari S.Nuriyev hamda partiya faollari, deputatlar, xalqimiz suygan madaniyat va san’at sohasi vakillari, taniqli sportchilar, tadbirkor va fermerlar ishtirok etdi.
Tadbirda B. Mardayev, F. Samatov, A. Maraximov, A. Ro‘ziyev hamda boshqa faollar, deputatlar so‘zga chiqib, istiqlol yillarida, ayniqsa so‘nggi besh yilda xalqimiz hayoti va yurt taraqqiyotini mutlaqo yangi bosqichga olib chiqqan islohotlarnining mazmun-mohiyati, “Odamlar davlat idoralari uchun emas, davlat idoralari odamlar uchun ishlashi zarur!” degan g‘oyada butun mazmuni o‘z aksini topgan keng ko‘lamli yangilanishlar natijalari haqida so‘z yuritishdi. Ushbu jarayonlarda mamlakatning yetakchi siyosiy kuchi bo‘lmish Tadbirklorlar va ishbilarmonlar harakati – O‘zbekiston Liberal-deomkratik partiyasining ham ishtiroki borligi ta’kidlandi.
Tadbirda tuman madaniyat bo‘limi san’atkorlari tomonidan ijro etilgan kuy-qo‘shiqlar tadbir ishtirokchilariga zavq-u shavq baxsh etdi.
