TerDU va Koreya universitetlari hamkorligi: strategik loyihalar sari

Yangiliklar 24-09-2026 41 4 SDG 4 Sifatli ta'lim 9 SDG 9 Sanoat, innovatsiya
gallery image
gallery image
gallery image
gallery image
gallery image

Termiz davlat universitetining Koreya Respublikasi oliy ta’lim muassasalari bilan hamkorligi yangi bosqichga ko‘tarilmoqda. O‘zbekiston Respublikasi Prezidentining Koreya Respublikasiga davlat tashrifi ortidan Surxondaryo delegatsiyasi tarkibida Koreyada bo‘lgan TerDU rektori Abduqodir Toshqulov qator nufuzli universitetlar, xususan, Sejong universiteti rahbariyati bilan uchrashib, ta’lim, ilm-fan va innovatsiya sohalaridagi hamkorlik istiqbollarini muhokama qildi.

Hamkorlik doirasida:
🟢 talab yuqori bo‘lgan yo‘nalishlarda qo‘shma ta’lim dasturlarini tashkil etish;
🟢 TerDUda koreys tili ta’lim yo‘nalishini ochish va TOPIK imtihonlarini o‘tkazish markazini tashkil etish;
🟢 Sejong instituti filialini tashkil etish bo‘yicha muzokaralarni davom ettirish;
🟢 professor-o‘qituvchi va talabalar uchun akademik almashinuv hamda malaka oshirish dasturlarini yo‘lga qo‘yish;
🟢 sun’iy intellekt, raqamli ta’lim va “Smart Farm” yo‘nalishlarida qo‘shma loyihalarni amalga oshirish.

Tashrif davomida Sejong universitetining ilmiy laboratoriyalari faoliyati, xususan, grafen materiallari bo‘yicha tadqiqotlar bilan ham tanishildi. Muhimi, TerDU va Koreya universitetlari o‘rtasidagi hamkorlik aniq loyihalar, yangi ta’lim imkoniyatlari va xalqaro tajribani kengaytirishga qaratilmoqda.