TerDUda talabalar manfaatiga qaratilgan tashabbuslar birin-ketin amaliy natijaga aylanmoqda. Bugun universitet rektori mas’ullar hamrohligida A. Navoiy ko‘chasi bo‘ylab tashkil etilayotgan Yoshlar sayilgohida amalga oshirilayotgan bunyodkorlik va obodonlashtirish ishlari bilan tanishdi.
🟢Sayilgohni talabalar va aholi uchun yanada so‘lim, zamonaviy va qulay maskanga aylantirish, hududdagi piyodalar yo‘laklarini kengaytirish, savdo hamda umumiy ovqatlanish nuqtalarida talabalar uchun qulay, sifatli va zamonaviy xizmatlarni yo‘lga qo‘yish bo‘yicha tegishli tavsiya va ko‘rsatmalar berdi. Shuningdek, bugundan faoliyatini boshlagan umumiy ovqatlanish nuqtasida yaratilgan sharoitlar bilan tanishdi. Tashrif davomida “Kazan” osh markazi tomonidan tashkil etilgan ehson oshida ham ishtirok etdi.
🟢Yoshlar sayilgohi — talabalar uchun yaratilayotgan qulayliklarning yana bir yangi manzili. Bu kabi tashabbuslar universitet hududini shunchaki obodlashtirishga emas, balki talabalar uchun qulay, zamonaviy va mazmunli muhit yaratishga qaratilgani bilan alohida ahamiyat kasb etadi.
