Termiz davlat universitetida magistratura bosqichining test imtihonlari boʻlib oʻtadigan joylari tayyorlanmoqda.
Bunda bir vaqtning oʻzida 200 nafar abituriyent imtihon topshirish imkoniyatiga ega boʻladi. Imtihonlarning adolatli va shaffof oʻtishini kuzatish maqsadida imtihon boʻlib oʻtadigan sport zali kameralar bilan jihozlandi.
Magistratura bosqichining test imtihonlarini topshiruvchi abituriyentlarga yanada qulaylik yaratish maqsadida, yangi, zamonaviy, ishlash tezligi yuqori boʻlgan 200 dona monoblog kompyuterlar o‘rnatildi.
Eslatib o'tamiz: test imtihonlari belgilangan hududda (TerDU Sport majmuasi) kompyuter vositasida bo'lib o'tadi.
Tez kunlarda imtihon bo'lib o'tadigan kuni va vaqti to'g'risida oliygoh veb-sayti va ijtimoiy tarmoqlardagi sahifalari orqali xabar beriladi.
